Оқиға өткен күні кешқұрым уақытта «Ақкент» тұрғын үй кешенінің қарсы бетінде болған, — деп Sputnik.kz хабарлады. Subaru Legacy көліктерін тізгіндеген екі жүргізуші жолдың тік бөлігінде жарыспақ болыпты. Алайда сайыстың қызығына берілген әлгі екеу көшенің бұрылуға арналған жартылай дөңгелене келген тұсында жолдың қисаятынын ескермеген сыңайлы. Нәтижесінде әлгілердің бірі көлік тізгініне ие бола алмай, көлік жолдан тайып, Райымбек даңғылымен шығыс бағытта қозғалып келе жатқан Mitsubishi Lancer-ге соғылады. Көліктердің екеуі де жол жиегінен асып, көпір астына түскен.
1 / 3
Жол апатынан қираған көліктердің жүргізушілері зардап шеккен. Түрлі жарақат алған олар ауруханаға жеткізілді. Автокөліктер қатты зақымданған және қайта жөндеуге келмейтін сияқты.
Комментариев: 0