Subaru Levorg универсалының жол талғамайтын нұсқасы шықты

Жаңа кроссоверді таныстырамыз деп уәде берген Subaru-дың жақында басталған жарнама кампаниясы мәресіне жетті. Бірақ компания көпшілікке жаңа модельді емес, бұған дейін болған түрленімді көрсетті. Жапонияда және WRX Sportswagon деген атаумен Аустралияда танымал Levorg универсалының Layback кросс-нұсқасы шықты. Бренд алғашқы кезде көлікті өз отанында ғана саудалайды.

1 / 5

• 
• 
• 
• 
• 

1 / 5

Levorg Layback Outback үлгісінде периметрді бойлай орналасқан боялмаған пластиктен жасалған қорғаныс бастырығымен ерекшеленеді. Сонымен қатар көлік өзгеше бампер, өзіне тән радиатор торы және әлдеқайда қатал 18 дюймдік дөңгелек дискілерімен жабдықталған. Layback-тың жол саңылауы 200 миллиметр ұлғайды. Бұл стандарт нұсқадан 55 мм артық.

1 / 4

• 
• 
• 
• 

1 / 4

Интерьер өзгермеген, бірақ дизайнерлер жол талғамайтын нұсқада өзге әрлеу материалдарын қолданған. Универсалдың жабдықтар тізімінде 11.6 дюймдік медиажүйе, 12.3 дюймдік цифрлы аспаптар панелі, Harman Kardon аудиожүйесі, соңғы буындағы EyeSight жүргізуші ассистентінің толық жинағы, люк және басқалар бар.

Капот астында 1.8 литрлік бензинді турбомотор (177 а.к. және 300 Нм) орналасқан. Қозғалтқыш Lineartronic вариаторымен және фирмалық толық жетек жүйесімен жұмыс істейді. Модификация Аустралия нарығына шықса, 260 ат күшін беретін 2.4 литрлік турбомотормен жүреді.