Subaru-дың Қазақстандағы ресми өкілі Forester Sport сатылымға шыққанын хабарлады. Машинаны сырттай қара радиатор торы мен дөңгелек дискілерінен және қызғылт сары жолақтарынан ажыратуға болады.
Жапония нарығына арналған көлікке 177 ат күші мен 300 Нм айналу моментін беретін 1.8 литрлік турбомотор орнатылады. Қазақстанға бұл күштік құрылым әлі жеткен жоқ. Оның орнына біздің Forester Sport 2.5 литрлік атмосфералы агрегатпен жабдықталады.
Көлікте жүргізушіні танитын жүйе бар. Салондағы камера адамның жүзін жадына сақтап, орындық пен айналарды соның қалауына сай автоматты түрде баптайды. Жүйемен бірге EyeSight көмекшілер жинағы жұмыс істейді.
Forester Sport 18 млн теңге тұрады. Бұл топтамадағы ең танымал көлік екенін айта кеткен жөн. Елде жыл басынан бері 300 данасы сатылған.
Комментариев: 0