Су жаңа Honda Civic EG сатылады

32 жыл бұрын шыққанына қарамастан, Honda Civic-тің іші де, сырты да жаңа көлік сияқты көрінеді. Бұған таңғалудың керегі жоқ, себебі одометрде небәрі 12 шақырым жол жүрген деп тұр. Моторында әлі күнге дейін зауыттық майы сақталыпты, тіреуіштерінде маркаға тән белгі өшпеген. Одан бөлек VIN нөмірі 0001-ге аяқталады, бұл хэтчбэктің бесінші буындағы алғашқы экземпляр екенін білдіреді. Оны Онтариода жасап, Солтүстік америкалықтарға сатқан.

Иесі көліктің мүлтіксіз сақталуына оның Honda оқыту орталығында болуы әсер етті дейді. Бұл жерде Honda Civic EG-ді жәдігер ретінде қолданып, мұражай шарттарына сәйкес сақтаған. Автомобиль сирек кездесетін рөлді гидрокүшейткішпен бірге жүретін алғашқы DX деңгейінің жиынтық түріне ие, бірақ желдеткіш пен жүргізуші айнасы сияқты опциялардан қағылған. Капот астында механикамен жұмыс істейтін 102 ат күшіне ие 1.5 литрлік 16 клапанды 4 цилиндрлі атмосфералы қозғалтқыш тұр.

1 / 4

• 
• 
• 
• 

1 / 4

Клиенттер «уақыт капсуласын» қаншаға бағалайтынын ешкім білмейді. Бірақ бағасы 1992 жылы сатылған сомадан аса қойматын сияқты. Kolesa.kz-тен сол замандағы он шақты хэтчті 850 мың мен 2.7 млн теңге аралығында табуға болады.