Стандартқа жаңа жол белгілері қосылды

Жақында ҚР СТ 1412-2017 «Жол қозғалысын ұйымдастырудың техникалық құралдары. Қолдану қағидасы» стандартына өзгеріс енді, ол 2024 жылғы 1 мамырдан бастап күшіне енеді. Стандарт пен жол ережесіне жаңа жол белгілері қосылып, ескілерінің қолдану аясы өзгереді. Атап айтқанда:

• 3.5 «Мотоциклге тыйым салу» белгісі мотоцикл мен мопед қозғалысына тыйым салады.
• 3.9 «Велосипедке тыйым салу» белгісі велосипед, электросамокат және шағын электрлі көлік қозғалысына тыйым салады.
• 3.9.1 «Электросамокатқа тыйым салу» белгісі тек электросамокат қозғалысына тыйым салады.

3.2, 3.3, 3.28–3.30 белгілері I және II топтағы мүгедектер басқаратын машинаға ғана емес, III топтағы мүгедектер мінген көлікке немесе осындай адамдарды таситын көлік құралына қолданылмайды.

4.5 «Велосипед жолы немесе велосипед жолағы» белгісі велосипед, электросамокат және шағын электр көліктің жүруіне ғана рұқсат береді. Ал 4.5.4 және 4.5.5 «Қозғалысы бөлінген жаяу жүргіншілер және велосипед жолы» белгісі жаяу жүргінші, велосипед, электросамокат және шағын электрлі көлік құралының бірлескен қозғалысына арналған.

Сондай-ақ стандартта егер 5.8.1 белгісінде 5.9.1–5.9.4 белгілері көрсетілсе, бұл белгілер өзі тұрған жолаққа ғана әсер ететіні жазылған. Ал 5.8.2 және 5.8.2а белгісінде белгілі бір көлік құралының жүруіне тыйым салатын белгі болса, онда мұндай машинаға сол жолақпен жүруге болмайды.

Стандартқа Астанада көп кездесетін параллель жолдарға арналған 5.8.6а, 5.8.6б және 5.8.6в «Параллель жолға ауысу» белгісі қосылады. Олар жүргізуші параллель жолға ауысқанда қозғалыс басымдылығы туралы хабарлайды. Ал 5.8.6г және 5.8.6д «Параллель жүріс бөлігінің соңы» белгісі параллель жүріс бөліктері қосылған кездегі басымдықты белгілейді.

Автобус және троллейбусқа арналған жаңа 5.9.2, 5.9.3 және 5.9.4 белгісі пайда болады, олар «алға жүру мүмкін болмаған жағдайда маршруттық көлік құралы, өзге де қоғамдық көлік және М3 санатындағы көлік құралының қозғалыс бағытын» көрсетеді.

Жаяу жүргіншілерге арналған жаңа 5.16.3 «Диагональды жаяу жүргіншілер өткелі» белгісі пайда болады. Мұндай өткел біздің елде өте аз, бірақ жол ережесіне өзгеріс енген соң көбейетіні анық.

Стандартта «ескерту, тыйым салу, нұсқаушы және ақпараттық жол белгісін, сондай-ақ мәтінді хабарламаны нақты уақыт режимінде көрсететін» ауыспалы ақпараттық белгі пайда болады. Мұндай белгілі де Қазақстанда көп кездеспейді.

Электромобильге арнайы белгі ілу қажет болады.

Стандартқа мынадай жаңа белгі тақталары қосылады:

• 7.4.8а «Электромобиль». Электромобиль және гибрид көліктерді қуаттайтын орын.
• 7.4.8б «Электросамокат».
• 7.4.8в «Маршруттық көлік құралының түрі».
• 7.4.8г «Туристер автобусы». 5.15 «Тұрақ орны» белгісі туристер автобусын қоюға және туристерді отырғызуға (түсіруге) арналған орынды көрсетеді.
• 7.4.9–7.4.16 «Көлiк құралының басқа түрi», белгiде қамтылмаған көлiк құралының түрiн көрсетеді.

Бұл стандартқа енген өзгерістер. Жақында ҚР жол ережесіне бірқатар өзгеріс енеді. Біз ол жайлы да жазамыз.