Былтыр жазда «Snake Eyes: G.I. Joe Origins» («G.I. Joe: Бросок кобры. Снейк Айз») фильмі шықты. Hyundai үшін бұл лентаның маңызы зор, өйткені онда product placement аясында Hyundai Sonata-ның қазіргі буыны бой көрсетті. Енді фильмге қатысқан көлік құрметіне оның көшірмесі ұсынылып отыр. Sonata N Line Night Edition екі түсте ғана сатылады: қап-қара Phantom Black және жылтылдаған ақ Quartz White.
Night Edition моделі N Line-ның алдыңғы жетекті түрленіміне негізделген, машина 249 ат күші мен 422 Нм момент беретін 2.5 литрлік турботөрттікпен жүреді, ол робот қораппен жұптаса жұмыс істейді. Күңгірт қара түске боялған 19 дюймдік дөңгелекте қызыл түсті тежеуіш суппорты назар аудартады. Салонда былғарымен қапталған рөл, спорттық стильдегі алдыңғы орындық және 12 динамикті Bose аудиожүйесі бар.
Sonata N Line Night Edition өндірісі 1000 данамен шектеледі. АҚШ-та жаңа Hyundai-нің бағасы 34 750 доллардан басталады, ал қарапайым Sonata N Line-ды 33 450 долларға сатып алуға болады.
Комментариев: 0