2020 жылы жазда Таиландта таныстырылған Toyota Corolla Cross клиренсі сәл биік седан не хетчбэк емес, TNGA-C платформасында жасалған алдыңғы жетекті толыққанды жаңа модель болатын.
Бір жыл өтпестен көліктің сол рөлді нұсқасы шықты. Оңтүстік Америкада сатылатын машина Бразилияда құрастырылады. Рөлден бөлек кроссовердің күштік құрылымы да өзгеше. Таиланд жұртына Corolla Cross 1.8 литрлік (140 а.к.) мотормен ұсынылса, Бразилияда бензинмен ғана емес, этанолмен де жүретін 2 литрлік агрегатпен сатылады. Кроссоверге спирт құйса қозғалтқыш қуаты 169-дан 177-ге артады.
Corolla Cross-тың гибрид нұсқасын алуға мүмкіндік бар. Екі көлік те шағын электрлі мотормен және батареямен жұмыс істейтін 1.8 литрлік (122 а.к.) атмосфералы агрегат арқылы қозғалады. Беріліс қорабы сатысыз.
Бразилияда Corolla Cross-тың бағасы 140 мың реалдан, яғни 10.5 млн теңгеден басталады. Кроссовер седаннан 1.5 млн теңгеге қымбат.
Болашақта модель басқа елдердің де нарығына шығады.
Комментариев: 0