Әлемде Олимпиада, ЭКСПО сияқты ірі іс-шараға арнап салынып, соңында ешкімге қажетсіз болып қалған құрылыс нысандары көп, ашылғанына он жыл ғана болған «Сочи Автодромын» да сондай тағдыр күтіп тұр. Ресейдегі басты спорт нысанының тарихы абыройсыз аяқталуға жақын деп хабарлады «Чемпионат» басылымы.
Екі жыл бұрын Ресейден Формула-1 кеткен соң жарыс жолы қажет болмай қалды. Алдымен трассаның ұзындығы 5.8 шақырымнан 2.3 шақырымға қысқарды. «Сочи Автодромында» дрифт жарысы өтіп жүрген, бірақ биыл басшылар одан да бас тартты.
Қазір онда ешқандай жарыс өтпейді, ендігі жоспар — басты трибунаны бұзу деп жазды басылым. Шенділер «Сочи Автодромын» дене шынықтыру іс-шарасы, көрме, концерт және дрон сынағын өткізу үшін пайдаланбақ. Бірақ автожарыс өтпейді.
Комментариев: 0