Смартфон бейнетіркеуіш қызметін атқарады

Pixel смартфонындағы Google Personal Safety қосымшасында және компанияның өзге Android құралдарында Dashcam функциясының бета-нұсқасы пайда болды.Смартфон кейде бейнетіркеуіш қызметін атқарады.

Dashcam қосымшасы автомобильдің ақпараттық ойын-cауық жүйесіне жалғанған кезде автоматты түрде қосылады. Сәйкесінше, борттық мультимедиа жүйесінен ажырағанда бейнежазба тоқтайды. Бейнетіркеуіш экранда сурет шығып тұрса да, өшіп тұрса да жұмыс істей береді.

Бейнетіркеуіш материалды 24 сағатқа дейін тұнық етіп, дыбыспен не дыбыссыз жазады, бір минуттық видеоға 30 мегабайт кетеді. Материал үш күннен кейін жойылады, сол аралықта жүргізуші оны сақтап үлгеруі керек. Бағдарлама «мәліметті жылдам бөлісу» (Emergency Sharing), «қауіпсіздікті тексеру» (Safety Check) және «көлік апатын анықтау» (Car Crash Detection) функцияларына ие.

Әдетте жүргізушілер көліктен түскенде ұрының көзіне түспесін деп бейнетіркеуішті алып кетуге мәжбүр болатынын ескерсек, жаңа қосымша расымен ыңғайлы болуы мүмкін. Google Pixel-ге арналған функцияны келесі айда таныстырады.