SM Tribute концептісі серияға шығуы мүмкін

Citroen-ге тиесілі DS суббренді Ferrari немесе McLaren флагмандарына ұқсас эксклюзив көлік шығармақшы, бірақ олармен бәсекеге түсетін ойы жоқ.

Компания DS-тің он жылдығына арнайы жасаған SM Tribute шоу-карын қыркүйекте көрсетті. Бұл — 1970 жылдардың бірінші жартысындағы Citroen SM моделінің заманауи үлгісі. Top Gear-дің мәліметінше Stellantis басшылары машинаны аз тиражбен өндіреді.

1 / 10

• 
• 
• 
• 
• 
• 
• 
• 
• 
• 

1 / 10

Концерннің бас директоры Карлос Таварес пен DS басшысы Франсуа Оливье бұл идеяны табыс әкелсе ғана құптайды. Сол себепті болашақ DS SM қымбат (шамамен 1 миллион доллар) болуы мүмкін.

SM Tribute концептісінің авторы бас дизайнер Тьерри Метроз донор ретінде Maserati GranTurismo-ны алуға болады деді, өйткені концепт соған негізделген. DS SM бұрынғы модель сияқты италиялық мотормен жабдықталады. Ол 550 ат күшін беретін екі турбиналы 3.0 литрлік V6 Nettuno қозғалтқышын алады.

Мұндай жоба қашан жүзеге асатыны белгісіз.