Тағы бір қытайлық бренд Ресей тұрғындарының көңілінен шығып, жергілікті нарықта тұрақтап қалуға талпынып көрмек. Skywell телекоммуникация және тұрмыстық техника жасаумен айналысатын Skyworth Group компаниясына тиесілі. Ол автомобиль өндірісін 2020 жылы бастаған.
Бастапқы кезеңде тек Skywell ET5 кроссоверін сатады. Ұзындығы 4.7 метр болатын электромобиль 204 ат күшін (320 Нм) беретін мотормен жүреді. Жүріс қоры 520 шақырымға жетеді.
Ресми мәлімет бойынша марка ET5-ті Comfort және Luxury комплектациясында ұсынады. Модельдің бағасы – 4.5 млн және 5 млн рубль (36.8 млн және 41 млн теңге).
Базалық нұсқасында алты қауіпсіздік жастығы, экраны 12.8 дюйм медиажүйе, кілтсіз ашу, жарықдиодты оптика, электр жетекті орындық, желдеткіш, жылытқыш және бірнеше электронды көмекші болады. Ал үздік түрленімдегі жабдықтар тізімі панорамалық шатыр, лазерлі шам, айнала шолу камераларымен толығады.
Skywell ET5-ті автосалоннан биыл қазан айында көруге болады.
Комментариев: 0