Škoda жаңа буындағы Superb пен Kodiaq-тың интерьерін көрсетті

Škoda Superb лифтбегі мен Kodiaq кроссоверінің ішін көрсетті. Екі модельдің интерьері ұқсас, алдыңғы панель конфигурациясымен ғана ерекшеленеді. «Шкодалардың» салоны кеңейіп, технологиялық жабдықтармен толықты, эргономикалық инновация да жетерлік.

Superb те, Kodiaq та тәуелсіз етіп орнатқан ортаңғы экраны бар «цифрлы кокпитпен» жабдықталады. Диагоналі — 13 дюйм. Бұл Škoda үшін рекордтық көрсеткіш. 10 дюймдік аспаптар панелінен бөлек проекциялық дисплей орнатуға болады.

Беріліс қорабының селекторы рөл колонкасына ауысты. Осылайша ортаңғы консольде сымсыз қуаттағыш пен Škoda Smart Dials деп аталатын жаңа құрылғыға орын босады. Škoda Smart Dials – 32 мм-лік кіріккен дисплейлері бар бұралатын үш реттегіш. Оның функцияларын өзгертуге болады.

Соңғы «шайбалар» ауа температурасын баптауға, сонымен қоса жылыту, жүргізуші мен жолаушы креслосын желдетуге жауап береді. Ортаңғы реттегіш үшін алты функция ұсынған, оған бірден төртеуін орнатуға болады. Мысалы, климатты, медиажүйе дыбысын реттеу, навигация картасының масштабын өзгерту немесе қозғалыс режимін таңдау. Реттегіш функцияларын дисплейді басу арқылы таңдайсыз, қажет пиктограммалар да соған шығады.

Осыған ұқсас реттегіш бұған дейін жаңа буындағы VW Tiguan-да болған еді, бірақ бұл кроссоверде бір «шайба» бар, Škoda-да үшеуін пайдаланған.

Компания қос модельге жайлы кресло орнатады және бірнеше әрлеу нұсқасын ұсынады. Бірақ салонын қайта өңделген пластиктен жасалған матамен безендіреді.

Škoda-ның екі моделі де күзде шығуы керек. Superb пен Kodiaq бұрын қолданбаған гибрид күштік құрылым арқасында кеңейіп, экологияға көп зиян тигізбейді.