Škoda Kamiq деген атау сізге таныс болар бәлкім, себебі мұндай үлгі 2018 жылы Қытайда жария болған еді. Дегенмен екі көлікті шатастырудың қажеті жоқ. Өйткені бұл темір тұлпар қытайлық кроссоверге мүлде ұқсамайтын жаһандық үлгі.
Kamiq-ке қарағанда көзге бірден оның оптикасы түседі. Чехиялық дизайнерлер заман ағымына ілесіп, негізгі шамдар блогын астына қарай жылжытқан, ал оның орнына жүріс шамдары мен бұрылыс көрсеткіштерін орналастырыпты. Артқы шамдар бізге таныс. Дәл сондай шамдар 2018 жылдың желтоқсанында таныстырылған Scala хэтчбегіне қойылған болатын.
Марка өкілдері көліктің салонында Škoda үшін үйреншікті жайлылық пен кеңдіктің болатынын айтады, әрі олар алдыңғы орындықтардың арқасы мен артқы орындықтардың арасында 77 см бос орын болады деп мақтанды. Жалпы Kamiq-тің ішкі көрінісі Scala-мен бірдей.
Кроссовердің моторлар гаммасында үш агрегат бар: 115 аттың күшіне ие 1 литрлік үш цилиндрлі базалық мотор, 105 аттың күшіне ие 1.5 литрлік төрттік және 115 аттың күшіне ие 1,6 литрлік дизельді мотор. Олардың барлығы механикамен де, DSG-мен де жұптаса жұмыс істейді. Ал жетек типін таңдау мүмкіндігі жоқ. Көліктердің бәрі бірдей алдыңғы жетекті болады.
Жаңа үлгі Женевадағы автосалонда таныстырылады. Кроссовердің сатылымы 2019 жылдың соңына дейін бастау алмақ.
Комментариев: 0