Биыл сәуірде Škoda ресми түрде Қазақстанға оралып, Өскемендегі «Азия Авто» зауытынан Қостанайдағы кәсіпорынға ауысты. Осы уақытқа дейін топтамада тек кроссоверлер болатын, қазір клиенттер биыл қыста жарық көрген рестайлингке дейінгі нұсқасын тек лифтбэк шанағында ала алады.
Төртінші буын өкілінің ұзындығы — 4689 мм, ені — 1829 мм, биіктігі — 1470 мм, ал дөңгелек базасы — 2686 мм. Лифтбэктің жүксалғыш көлемі 578 литрді құрайды.
Елімізде Škoda Octavia екі түрлі күштік құрылыммен сатылады. Қарапайым нұсқасы 150 ат күшіне ие 1.4 литрлік турбомотормен және 8 сатылы автоматпен жүреді, ал үздік комплектация 190 ат күшін беретін 2 литрлік қозғалтқышпен және 7 сатылы роботпен (DSG) жабдықталады. Машина алдыңғы жетекті.
Үш түрлі комплектация бар: Ambition, Style және Sportline. Бағасы 14.7 млн теңгеден басталады.
Базалық Ambition нұсқасында матамен қапталған салон, сегіз динамигі бар Swing медиажүйесі, екі аймақты климат-бақылау, кілтсіз ашу жүйесі, аспаптар панеліндегі кішкентай дисплей, салқындатқыш бокс, рөлді жылыту жүйесі бар.
Қымбатырақ түрлері Bolero медиажүйесі, смартфонды сымсыз қуаттағыш, проекциялық дисплей, жүргізуші ассистенттерінің кең жинағы, соның ішінде автоматты тұраққа қою жүйесі, жаңбыр және жарық сезгектері, жолақты және көрінбейтін аймақты бақылау функциясы, матрицалық шам, үш аймақты климат-бақылау жүйесімен жабдықталады.
Комментариев: 0