Марка жаңа өнімнің концепт түріндегі нұсқасын қыркүйекте көрсетеді.
||1270
Авторы: Дмитрий Елизаров
Škoda жаңа концепт-карын таныстыруға дайындалып жатыр. Autocar басылымы хабарлағандай, компания басшысы Клаус Зеллмер жаңа өнімді қыркүйекте Мюнхендегі көрмеде жұртқа көрсететінін айтқан. Концепт жаңа буындағы Škoda Octavia универсалының прототипі саналады.
Компания басшысы концепт Škoda-ның фирмалық дизайны алда қалай дамитынын көрсетеді деді. Прототиптің тұсаукесері марка жанкүйерлерін таңғалдыруы мүмкін, бірақ Клаус Зеллмер толық ақпарат берген жоқ.
Болашақ Octavia-ның Autocar дизайнерлері сызған рендері
Топ-менеджер Škoda концептіні таныстыру арқылы толық электрлі Octavia-ның болашағын бағалауды жоспарлап отырғанын айтты. Универсал Škoda-ның батареялы модельдер топтамасын толықтырады, бірақ марка бензинді және гибрид Octavia-дан бас тартпайды. Компания басшылары қазіргі нарық жағдайы модельдің барлық түрленімін қатар сатуға мүмкіндік береді деп есептейді.
Батареялы Octavia саудаға онжылдықтың аяғына қарай шығады. Компания Fabia, Scala, Kamiq сияқты бірқатар модельді жаңартуды жоспарлап отыр, бұл олар 2030 жылдан кейін де нарықта қалатынын білдіреді. Škoda базалық модельдерін біртіндеп электромобильге айналдыру жоспарынан бас тартты. Бірақ бренд жаңа электрокар жасайды: Vision7S концептісінің сериялық нұқасын таныстыруға дайындалып жатыр. Ол ең үлкен батареялы «Шкода» атанады.
Комментариев: 0