Škoda жанармаймен жүретін автомобиль топтамасына k әрпінен басталып q әрпіне аяқталатын атау беруді жалғастырып жатыр. 2025 жылғы наурызда шығатын Үндістан нарығына арналған шағын кроссовер де осы дәстүрге бағынады.
Компания маркетологтары Үндістан тұрғындарынан аталған талапты ескере отырып жаңа өнімге атау ойлап табуды сұрады. Финалға өткен он нұсқаның ішінен (жалпы 24 мыңнан аса ұсыныс түскен!) санскрит тілінен аударғанда «кристал» дегенді білдіретін Kylaq сөзі жеңіске жетті. Бұл атауды ұсынған адам машинаның алғашқы сериялы экземплярын алады.
Autocar India хабарлағандай, Škoda Kylaq қазіргі Kushaq кроссоверінің кішірек нұсқасы болады. Екі модель фольксвагеннің MQB A0 IN платформасына негізделген, бірақ жаңа өнімнің дөңгелек базасы қысқа болады, оның шанақ ұзындығы 4 метрге жетпейді. Kylaq елде сатылып жатқан Hyundai Venue, Tata Nexon, Kia Sonet, Maruti Brezza сияқты қалалық мини-кроссоверлермен бәсекеге түседі.
Автомобиль 115 ат күшіне ие (178 Нм) 1.0 литрлік 3 цилиндрлі бензинді турбомотормен жүреді, агрегат механика немесе автомат қораппен жұмыс істейді. Комплектацияда айнала шолу камерасы мен ADAS қауіпсіздік жүйесі бар. Бағасы шамамен 8–14 лакх (4.5–8 млн теңге) болады.
Үндістан Германия, Чехия, Ұлыбритания және Польшамен бірге чехиялық автоөндіруші үшін ең маңызды бес нарықтың бірі саналады.
Комментариев: 0