Жаңа машина Пуна қаласындағы зауытта шығарылады. Үнділер оны толықтай өздері жасайды. K әрпінен басталып, Q әрпіне аяқталатын Kushaq атауы чехиялық брендтің фирмалық стиліне сай келеді. Авторлар ойдан сөз құрастырған жоқ, «кушак» сөзі көне санскрит тілінде елдің жоғарғы билеушісі дегенді білдіреді.
Škoda Kushaq (4221×1760×1612 мм) шағын модельдерге арналған MQB-A0 платформасында жасалады. Дөңгелек базасының ұзындығы 2651 мм. Машина тек алдыңғы жетекті болады. Автокөлік екі турбомотормен ұсынылады -—110 ат күшіне ие 1.0 литрлік және 150 ат күшін беретін 1.5 литрлік. Механика қорап екі қозғалтқышпен де жұмыс істейді. 6 сатылы автомат 1.0 литрлік, 7 диапазонды DSG робот 1,5 литрлік моторға арналған.
Еуропа стандарты бойынша машинаның бюджеттік көлік екенін ескерсек (Škoda Үндістанда премиум автомобиль саналады), салоны бейресми стандартқа сәйкес келеді. Ақпараттық ойын-сауық кешені айтарлықтай үлкен (7 немесе 10 дюйм) және жарықдиодты оптика, климат бақылау жүйесімен жабдықталған. Көмекшілер тізімінде ESC, өрге көтерілгенде және биіктен түскенде көмек беретін жүйе, круиз-бақылау бар. Базалық нұсқасына алты қауіпсіздік жастығы орнатылады.
Škoda Kushaq-қа тапсырыс қабылдау сәуірде басталады. Кроссовер Үндістандағы дилерлерге маусымда жеткізіледі. Бағасы ресми жарияланған жоқ. Бірақ жергілікті баспасөз 10 мен 17 лакх аралығында болатынын хабарлайды (5.76-9.8 млн теңге). Көліктің шетел нарығына қашан шығатыны белгісіз, бірақ Еуропада сатылмайтыны анық. Өйткені онда Škoda-ның Kamiq моделі бар. Сондықтан Kushaq негізінен Азиядағы дамушы елдерге экспортталады.
Комментариев: 0