Škoda Karoq Қазақстанда қанша тұрады?

Қазақстандағы Škoda топтамасы жаңа модельмен толықты. Дилерлерде ұзындығы 4390 мм, дөңгелек базасы 2638 мм болатын Karoq шағын кроссовері саудаға шықты.

Автомобиль 150 ат күшіне ие (250 Нм) 1.4 литрлік бензинді турбомотормен жүреді, ол классикалық 8 сатылы автомат қораппен жұмыс істейді. Өндіруші отын шығыны 5.4 литр екенін мәлімдеді.

Қазақстанда машина екі комплектацияда сатылады. 15.3 млн теңге тұратын Selection нұсқасы алдыңғы және бүйірлік қауіпсіздік жастығы және круиз-бақылау, жарық пен жаңбыр сезгегі, айнала шолу камерасы, кілтсіз ашу жүйесі сияқты базалық электронды көмекшілер жинағымен жабдықталған.

Автомобильде алдыңғы және артқы креслоны жылыту, алдыңғы әйнекті жылыту сияқты опция бар. Сондай-ақ жабдықтар тізімінде екі аймақты климат-бақылау, қолмен реттелетін кресло, жасанды және шынайы былғарымен қапталған салон, сегіз динамигі бар Bolero медиажүйесі, 8.5 дюймдік аспаптар панелі бар. Ал 510 литрлік жүксалғыш есігі электрлі ашылады.

1 / 4

• 
• 
• 
• 

1 / 4

16.3 млн теңгеге Sportline комплектациясын алуға болады. Ол өзгеше бампер, жапсырма, спойлер, дөңгелек дискісі және өзге опциялармен ерекшеленеді. Атап айтқанда, машинада 10 дюймдік цифрлы аспаптар панелі және смартфонды сымсыз қуаттау мүмкіндігі бар.

Айта кетейік, «Шкода» төрт жылдан кейін, биыл көктемде Қазақстан нарығына қайта оралған. Қостанайдағы зауыт Karoq моделін құрастырып жатыр.