Škoda дизайнерлері Антти Савио мен Давид Стингл өткен ғасырдың модельдерін басқа қырынан көрсететін виртуалды концептісін әзірледі. Олар Škoda тарихындағы ең сирек сериялық модельдердің бірі саналатын 1000 MBX купесін негізге алып, оны седанға ұқсас кроссовер ретінде қайта жасады.
Концепт брендтің заманауи стиліне тән футуристік сырт келбетімен ерекшеленеді. Көліктің шанақ сызығы өзгеше, есіктері жылжымалы, артқы әйнегі мүлде жоқ. Жоба авторлары спорткар емес, әсем әрі ыңғайлы машина жасауды мақсат етіпті. Өйткені Škoda 1000 MBX сондай болған.
Шоукардың түпнұсқамен ортақ тұстары аз, тек жарық техникасының пішіні, терезе сызығы, күңгірт әйнектері және еңіс артқы тірегі сияқты кейбір элементі ұқсайды. Дизайнерлер артқы әйнектің болмауы автомобильге спорттық келбет береді деп ойлайды, бірақ соның арқасында салоны кеңейді.
Ортаңғы консольсіз салоны және алдыңғы панельдің пішіні Škoda
Савио мен Стинглдің айтуынша олар белсенді өмір сүретіндерге арналған заманауи әрі ыңғайлы көлік құрастыра алды. Техникасына келер болсақ, электромобиль пневмоаспа алатыны және клиренсін реттеуге болатыны белгілі.
Škoda 1000 MBX және одан кейінгі 1100 MBX 1960 жылдардың екінші жартысында конвейерде небәрі бір жыл тұрды. Ресми дерек бойынша бренд 2517 купе шығарған.
Комментариев: 0