Компания электрлі кроссовердің алғашқы ресми суреттері мен сипаттамасын жариялады. Жаңа электрокар қуаты 170-299 ат күшіне тең төрт түрлі күштік құрылыммен жабдықталады, ал ұзаққа шабатын Elroq-тың жүріс қоры 560 шақырымға жетеді. Күзде саудаға шығады.
Elroq электрокарымен Škoda жаңа дизайн стиліне көшуді жоспарлап отыр. Мысалы, ол үлкен радиатор торы жоқ алғашқы модель болады және жаңа жарық техникасын алады. Интерьер архитектурасы да айтарлықтай өзгереді. Суреттері әлі жоқ, бірақ базалық комплектацияда 13 дюймдік экраны бар медиажүйе болады. Жүксалғыш көлемі — 470-1580 литр.
Ең арзан Škoda Elroq артқы осьтегі 170 ат күшіне ие бір қозғалтқышпен және 55 киловатттық батареямен жүреді. Қымбатырақ нұсқадағы мотор 204 ат күшін береді, ал аккумулятор сыйымдылығы — 63 кВт⋅сағ. Мұндай көліктердің максимал жылдамдығы — 160 км/сағ. Ең қымбат екі модификация 180 км/сағ жылдамдықпен жүре алады, бірақ біреуі ғана толық жетекті болады. Моторлары 299 ат күшін беріп, 82 киловатттық аккумулятордан қуат алады. Сәл арзан Elroq та осындай батареямен және 286 ат күші бар бір агрегатпен жабдықталады. Қуатты станцияда көлікті 28 минут ішінде 10-нан 80 %-ға дейін қуаттауға болады.
Компания Elroq арзан болса да, қазіргі Enyaq топтамасына техникалық жағынан жақын болатынын жасырмайды. Бренд алты жаңа электрокар ұсынуды жоспарлап отыр. Біріншісі Epiq деп аталып, келер жылы қалалық кроссовер ретінде жолға шығады.
Комментариев: 0