Сирек кездесетін Toyota Classic сатылады

1996 жылы Toyota-ның модельдік топтамасына біртүрлі көлік қосылды. Classic деп аталған модель 1936-1943 жылдары шыққан «Тойотаның» алғашқы машинасы AA-ны еске салады. «Классик» Hilux пикапының артқы жетекті нұсқасының рамасына негізделген, капот астында 98 ат күші мен 160 Нм момент беретін 2 литрлік 4 цилиндрлі атмосфералы мотор бар. Ол 4 сатылы автоматпен де, 5 сатылы механикамен де жұмыс істей береді. Машинаның небәрі 100 данасы шыққан, соның бірі АҚШ-та аукционға қойылып отыр.

1 / 11

• 
• 
• 
• 
• 
• 
• 
• 
• 
• 
• 

1 / 11

Бұл машина АҚШ-қа 2022 жылы ақпанда барған. 26 жылда бар болғаны 25 мың шақырым жол жүріпті. Қазіргі иелері оның жағдайы өте жақсы екенін айтады. Ағашпен әрленген қою қызыл түсті салоны, классикалық Nardi рөлі және салқындатқыш Classic-тің бағасын асырады.

1 / 9

• 
• 
• 
• 
• 
• 
• 
• 
• 

1 / 9

Бәссауда басталғалы Toyota Classic-тің бағасы 40.5 мың долларға жетті. Ал 1996 жылы 75 000 долларға бағаланған.