Ерекше Porsche 959 тамыздың ортасында Bonhams аукционында саудаға түседі. Машинаның әйгілі B тобындағы раллиге тікелей қатысы бар әрі дәл осындай суперкардың алты экземпляры ғана шыққан. Осы ерекшеліктерінің арқасында ол 1.5–2 млн долларға бағаланып отыр.
Компания толық жетекті үздік суперкар шығару мақсатында Porsche 959-ды жасады. 1980 жылдардың басында фирма бұл технологияны жұртқа көрсетудің ең жақсы жолы В тобындағы раллиге қатысу деп шешті, сол мақсатта
Модель 1983 жылғы Франкфурт автосалонында концепт ретінде жарық көрді. Жеңіл шанақ, үздік аспа, толық жетек және жарыс прототипінен алған қозғалтқыш клиенттерді баурап алды. Ралли ережесіне сай 200 экземпляр купе шығаруға ғана рұқсат болса да, Porsche 292 дана Komfort түрленімін және 29 дана экстремал 959 Sport нұсқасын шығарған. Сұраныс артуына байланысты фирма жұмыс шығынының орнын жабуға тырысты. Бірақ бұл үміт толық ақталған жоқ, қаржылық проблема біз сөз етіп отырған экземплярдың жарық көруіне себеп болды.
Автомобиль ресми 1987–1988 жылдары шықты. Бірақ 1990 жылдардың басында аса маңызды клиенттер суперкар өндірісін қайта қолға алуды ұсынды. Porsche қоймасында сақталған компоненттер бар болғандықтан, компания ұсынысқа келіскен. Бірақ бағасы бірнеше жыл бұрынғы машиналардан екі есе жоғары болды. 1992–1993 жылдары мұндай 959-дың алты немесе сегіз данасы жасалған, бренд жанкүйерлері арасында ол Komfort Series II атауымен танымал болды.
Машина осы партиямен жарық көрген суперкарлардың ең соңғыларының бірі. Series II стандарт Porsche 959-ға қатты ұқсайды, басты айырмашылық ретінде жаңарған аспаның параметрін айтуға болады, сондай-ақ біз сөз етіп отырған автомобиль жаңа үрлемді жүйемен жабдықталған. Нәтижесінде 2.8 литрлік мотордың қуатты 450-ден 540 ат күшіне артты. Раритет 72 мың шақырым жол жүріпті.
Комментариев: 0