Сирек кездесетін Mitsubishi Pajero Evolution саудаға шықты

Mitsubishi компаниясы Pajero Evolution-ды 1990 жылдардың екінші жартысында әйгілі «Париж — Дакар» ралли-марафонына қатысу үшін жобалаған. Жарыс ережелері жалпы жолда жүруге арналған осындай автомобильдің белгілі бір мөлшерін шығаруды талап етті, қазір сол партиядағы машиналар коллекциялық құндылық саналады. Bring a Trailer аукционында сауда аяқталуына бір күн қалғанда осындай Pajero Evo үшін бар болғаны 36 666 доллар (17 млн теңге) сұралды.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Pajero Evolution мен стандарт жол талғамайтын көліктің арасындағы айырмашылық тек мықты бамперлері, арка кеңейткіштері және ерекше спойлері бар жақсарған аэродинамикалық бастырықпен шектелмеді. Мысалы, эвик көлденең иінтіректі толықтай тәуелсіз алдыңғы аспамен және көп иінтіректі артқы аспамен жабдықталған. Астыңғы бөлігіне қорғаныш пластиналары орнатылған, лай шашыратқыш базалық комплектацияға кірген.

Pajero Evolution 275 ат күшіне ие 3.5 литрлік V6 моторымен, 5 сатылы автоматпен және осьаралық дифференциалды бұғаттағыш пен алдыңғы және артқы осьтеріндегі «торсеннен» тұратын толық жетек жүйесімен жабдықталған. Салонда Recaro орындықтары орнатылған, бірақ жол талғамайтын көлік күнделікті қолдануға ыңғайлы етіп жасалған. Мысалы, климат-бақылау, электрлі әйнек көтергіш және кассеталы магнитола бар.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Суреттерден 1997 жылы шыққан көлік керемет жағдайда екенін көруге болады. АҚШ-та бұл модельдің сирек кездесетініне қарамастан, бағасы төмен. Оған себеп оң жақ рөл және жүрген жолы (98 мың шақырым) коллекциялық құндылық үшін тым көп.

Pajero Evolution-ның бірнеше экземпляры Қазақстан жолдарында да жүр, олар кейде Kolesa.kz-ке шығады. Қазір сайтта 5-12 млн теңге тұратын жол талғамайтын көлік туралы төрт хабарландыру бар.