Сирек кездесетін Mercedes-Benz SL 65 AMG Black Series аукционға шықты

2000 жылдың аяғында Mercedes-Benz SL родстерімен қоштасып, экстремал Black Series-ті шығарды. Көліктің небәрі 350 данасы шыққан еді, соның бірі қарашада Лондондағы RM Sotheby’s аукционында бәссаудаға түседі. Болжам бойынша клиенттер екі есікті машина үшін 325 мың фунтқа дейін (190 млн теңге) санап беруге дайын.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Black Series қуатты Mercedes-Benz SL 65 AMG-ге негізделген, көліктің техникалық сипаттамасы да, сырт пішіні де жақсарды. SL жиналмалы төбесінен қағылғанымен, көптеген жеңіл шанақ панелін иеленді. Клиренсі ұлғайып, дөңгелек аркалары жаңарды, бастырығы әлдеқайда агрессивті бола түскен машинаның артқы жағында үлкен спойлер пайда болды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Black Series нұсқасы SL 65 AMG-дегі 6 литрлік турбиналы V12-ні сақтап қалды, бірақ қозғалтқыш кәдімгідей түрленген. Мысалы, оны өнімді үрлем жүйесімен, жақсарған салқындатқышпен және жаңа басқару блогымен толықтырды. Мотор 670 ат күші мен 1000 Нм айналу моментін береді, соның арқасында купе алғашқы жүздікті бар-жоғы 3.8 секундта алады.

Аукционға қойған экземплярды 2009 жылы Кувейттегі тапсырыс берушіге арнап құрастырған. Темір тұлпар Таяу шығыста он жыл болып, содан кейін Ұлыбританияға жеткен, қазір сол елде аукционға шықты. Оған әу бастан коллекцияға енетін құнды дүние немесе инвестиция ретінде қарағаны байқалады, себебі суперкар 1.3 мың шақырымнан сәл асатын жол жүріпті.