Сирек кездесетін Lotus мотоциклі сатылады

RM Sotheby’s аукцион үйі маусымның басында Lotus маркасының ерекше моделін саудалайды. 2010 жылдардың ортасында компания алғашқы екі дөңгелекті моделін жасап көрді, C-01 мотоциклінің небәрі 100 данасы шыққан. 10 жылдан бері жүрмей бос тұрған солардың бірі 100–150 мың долларға бағаланып отыр.

Lotus мотоциклді өзі өндірген жоқ. Жоба үшін Lotus Motorcycle жеке компаниясын құрды, модельдің техникалық жағына Германияның Kodewa фирмасы жауапты болды. Серіктестер 200 ат күшіне ие 1.2 литрлік V тәрізді мотормен жүретін салмағы 180 келі байк жасап шықты. Модельде тұрақтандыру жүйесі жоқ.

1 / 11

• 
• 
• 
• 
• 
• 
• 
• 
• 
• 
• 

1 / 11

С-01-дің сырт пішінін дизайнер Дэниэл Саймон әрледі. Ол «Tron: Legacy» («Трон: Наследие») фильміне мотоцикл, «Мстители» франшизасына арнайы автомобильдер жасаған. Байктың бастырығы карбоннан дайындалған, клиенттер жарыс стиліндегі үш ливреяның бірін таңдай алады.

Сатылып жатқан С-01 қара-алтын түсті John Player Special нұсқасында боялған. Иесі 10 жыл бұрын оны 140 мың долларға алыпты. Мотоцикл Канадада тұр. Сатушылар Lotus C-01 Солтүстік Америкада өте сирек кездесетінін айтты.