Сирек кездесетін Lancia Delta Integrale Evo 2 аукционға шықты

АҚШ-тағы онлайн аукциондардың бірінде 1994 жылы шыққан Lancia Delta Integrale Evoluzione II-нің шектеулі нұсқасы пайда болды. Әлемде дилер коллекциясын құрайтын осындай Evo 2-нің 180 данасы бар. Ол Италиядағы және шетелдегі брендтің ресми өкілдеріне алғыс ретінде жасалған.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Сериядағы барлық машина Metallic Candy Red деп аталатын қызыл түске боялған. Интерьері және Recaro орындықтары сарғыш былғарымен, аспаптар панелі алюминиймен қапталған, ал қозғалтқышты түймемен оталдыруға болады. Ортаңғы консольде бонус ретінде нөмірі жазылған тақтайша бар. Саудаға шыққан экземпляр 19-ыншы.

Техникалық жағынан Dealers Collection жасаған хэтчбэктің стандарт Evo 2-ден еш айырмашылығы жоқ. Автомобиль 215 ат күші (314 Нм) бар 2 литрлік турбомотормен жүреді, ол 5 сатылы механикамен және толық жетек жүйесімен жұптасқан.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Осы Evo 2 туралы көп ақпарат жоқ. Сатушының айтуынша көлік 2019 жылы АҚШ-қа Италиядан келген және 1994 жылғы Fiat ретінде тіркелген. Америкада хэтчбэк былтыр 107.5 мың долларға саудаланғанда бір рет иесін ауыстырып үлгерген. Сол уақыттан бері ол қазіргі иесінің қолында болған, шамамен 2 мың шақырым жүрген. Одометрі 33 мың шақырымды көрсетіп тұр.

Бамперлердегі сызат пен 16 дюймдік Speedline дискісіндегі бордюрге тиіп кеткеннен қалған тозу белгілерін қоспағанда Lancia тамаша жағдайда.

Қазір бағасы былтыр сатылған сомасынан асып түсті. Соңғы ұсынылған баға — 125 000 доллар.