Сирек кездесетін Lamborghini аукционға қатысады

Кезінде ауылшаруашылық техникасын сатумен танымал болған Lamborghini компаниясының өнімдері аукционға жиі шығып тұрады. 2 ақпанда Париждегі Artcurial іс-шарасында 1958 жылғы Agricole DL 30C саудаға түседі. Бұл қолға оңай түсе бермейтін концепт, конструкциясы өте қиын деп санаған Lamborghini оны сериялы түрде жасамаған.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Италиялықтар DL 30C моделімен шынжыртабанды тракторлардың негізгі проблемасын шешуге тырысты. Мұндай техникаға асфальтпен жүруге тыйым салынған, себебі шынжыртабан жол төсемін бұзады және бір жұмыс аймағынан екіншіге ауысуы қиын.

Сондықтан Lamborghini шынжыртабанды трактордың алдына кішірек, артына үлкен алмалы-салмалы дөңгелек орнатты. Ол шынжыртабанның жетекті білігіне тағылды, кәдімгі рөлдік басқару механизмі DL 30C-де болмаған. Концепт қарапайым шынжыртабанды техника сияқты бұрылатын. Трактор 30 ат күшіне ие 1.8 литрлік 2 цилиндрлі дизельді қозғалтқышпен жабдықталды.

1 / 5

• 
• 
• 
• 
• 

1 / 5

Компания қосарлы тірек механизмі бар он шақты трактор прототипін құрастырған, оның қаншасы қалғаны белгісіз. Сондықтан концепт өте сирек кездесуі мүмкін. Сатушылар 40-60 мың еуро пайда табуды жоспарлап отыр, мұны марканың басқа сирек көліктерінің бағасымен салыстыруға мүлдем келмейді.