Сирек кездесетін BMW M5 (E39) АҚШ-та сатылады

Америкадағы онлайн-аукциондардың бірінде сирек кездесетін BMW M5 E39 саудаға түсіп жатыр. Бұл көлікті Dinan ательесі жақсартты, модификация ауқымды болғандықтан, капот астына қосымша нөмірі бар бірнеше тақтайша орнатты және машина екі жаңа индекс (S2 және S3) алды.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Иесі 2002 жылғы жаңа BMW M5-ті Канадада сатып алған, кейін Алабамаға Dinan ательесіне жібереді, онда тюнерлер S2 пакетін орнатқан. Бұл пакетке жаңа кіргізу-шығару жүйесі, коллектор мен дроссель, электронды басқару блогын қайта баптау, қуатты біліктер, беріліс саны 3.45-ке қысқарған үйкеліс күші жоғары дифференциал, шанақтың алдыңғы және артқы кергіші, аласарған аспа және басқа да бөлшектер кіреді. Dinan S2 стандарт M5-пен салыстырғанда жақсы басқарылады және қосымша 80 ат күшіне ие.

1 / 5

• 
• 
• 
• 
• 

1 / 5

Осы күйде M5 2007 жылға дейін жүрді, кейін иесі тағы бірнеше ат күшін қосты. Автомобиль Dinan-ға қайта барып, S3 пакетін алды. Оның басты ерекшелігі — жетекті компрессор. 4.9 литрлік V8-дің қуаты 625 ат күшіне (680 Нм) өсті, ал стандарт S62B50-де бұл көрсеткіш 400 ат күші және 500 Нм момент еді. S3 жақсартуына жаңа Dinan Champion дискілері, Brembo тежеуіші, жеңіл сермер, күшейген ілініс және т. б. кіреді. Жұмыс аяқталғаннан кейін M5 капотының астында 28 нөмірлі тағы бір тақтайша пайда болды. Ателье S3-тің 33 данасын шығарған.

1 / 24

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 24

Le Mans Blue Metallic түсіне боялған седан жақсы сақталған. Интерьері BMW Individual бағдарламасы арқылы тапсырыспен жасалғандықтан, орындықтар мен есік карталарындағы ендірмелер шанақ түсімен бірдей. Автомобиль техникалық қызмет алған, дөңгелегі жаңа Michelin Pilot Sport 4S шинасымен қапталған, ал одометрі небәрі 24 мың миль (шамамен 38.6 мың км) көрсетіп тұр, оның үш мыңын 2017 жылы сатып алған қазіргі иесі жүріп өтіпті.

Бұл сирек кездесетін BMW M5-ті иесі қаншаға сатқысы келетіні белгісіз, бірақ қазір бағасы 61 мың долларға жетті.