Тамызда АҚШ-тағы Монтерей қаласында RM Sotheby’s аукционына 1938 жылы жарысқа арнап жасалған спорткардың бірін саудаға қояды. Автомобиль сирек кездеседі, шығу тарихы да ерекше. Аукцион ұйымдастырушылар бағасын айтпады, бірақ жеті таңбалы сан болатыны анық.
BMW 328 өз заманындағы озық машина саналады. Ол кезде көліктердің көбін рамалы құрылыммен жасаса, родстерде гибрид кеңістік қаңқасы мен көтергіш шанақ қолданды. 6 цилиндрлі моторының арқасында 1930 жылдары спорткар жарысқа қатысып, жеңіс тұғырынан түспеген. «Ле-Мандағы 24 сағат», Mille Miglia секілді ең танымал жарыстарға қатысты.
Бұл — компания Nationalsozialistisches Kraftfahrkorps ұлттық командасына арнаған үш родстердің бірі. Модель жеңіл шанағымен, қуатты карбюраторымен, мықты аспасымен және барабан тежеуіші бар 17 дюймдік дөңгелегімен ерекшеленеді. Қозғалтқышы 135 ат күшіне ие, салмағы 830 кг.
1930 жылдың аяғында арнайы үштік Еуропа мен Африкада өткен бірнеше жарысқа қатысты. Көлік тізгінін нағыз ханзада ұстаса да, ол өз класында екінші орыннан жоғары көтеріле алмады. 1938 жылы машинаны Максимилиан цу Шаумбург-Липпе басқарып, бесінші орын алған.
Дүнежүзілік соғыстан кейін родстер жоқ болып кетті. Ұзақ уақыт көрінбеген машина 1963 жылы көзге түсті. Үш жылдан кейін оны Ferrari Джеймс Макалистер сатып алды. Ол кезде автокөлік қарапайым BMW сияқты еді. Коллекция жинаушы бір қорап бөлшегін алса да, зауыт мамандары құрастырған бірегей модельді бірден тани алмады.
1980 жылдары BMW 328 Джеффри Макалистерге мұраға қалды. Көлік иесі оны кейде кішігірім көрмелерге шығарып жүрді. Соның арқасында BMW фанаттары бұрын байқамаған «328 моделінің» кемшіліктерін көрді. Өндіруші компания көлік иесіне жіберген зауыт сарапшысы оның шығу тегін растады деген сыбыс тарады. Родстерді 2017 жылы Макалистерден сатып алған қазіргі иесі 1939 жылғы сипаттамасына сай жөндеткен. BMW 328 Special Edition-ды қалпына келтіруге төрт жыл кетті .
Ұйымдастырушылар бұл модель жарыс жолына арналған BMW модельдері арасында аукционға шыққан ең ерекше автокөлік деп мәлімдеді.
Комментариев: 0