Қазақстанда утиль алымын алып тастау туралы петицияны жария талқылау барысында Өнеркәсіп және құрылыс министрлігінің халықаралық ынтымақтастық және интеграция департаментінің директоры Әділбек Бектібаев мәлімдеме жасады. Ол «Дөңгелекті көлік құралдарының қауіпсіздігі туралы» техникалық регламентіне енетін ықтимал өзгерістер туралы айтып берді.
Жұмыс тобы шыққанына жеті жылдан асқан көлік құралын әкелуге шектеу қою туралы ұсыныстар дайындады. Бұл мәселені Қазақстан Еуразиялық экономикалық комиссияның Кеңесіне қарастыруға жібермекші. Бұл Қазақстанға ғана емес, бүкіл ЕЭО аумағына қатысты.
Мұндай тыйым қаншалықты шындыққа жанасады деген сұрақ туындайды. Оны енгізу үшін Одақтағы бес елдің барлығы қолдау қажет. Tengri Auto мәліметінше Бектібаевтың өзі бұл Армения мен Қырғызстанға ұнамайды деп ойлайды.
Сонымен қатар басқа да шектеулерді қарастыру ұсынылды. Мәселен, жеке тұлғаға бір жылда жеке пайдалану үшін бір автокөліктен артық әкелуге тыйым салу талқылануда. Жеке тұлғаға басқа мақсат үшін көлік әкелуді мүлдем тоқтатуы мүмкін.
Комментариев: 0