Сирек кездесетін 1948 жылғы Jaguar XK120 Аустрияда жол апатына ұшырап, қатты бүлінді. Жергілікті БАҚ хабарлағандай, оқыс оқиғаға ұялы телефон себеп болған, гаджетке қарап келе жатқан әйел жүргізуші қарсы жолаққа шығып, раритетті соққан.
Jaguar XK120 родстерінде италиялық классикалық автомобиль энтузиастері Джузеппе Чербоне мен Николо Ботини Бонграни отырған. Эльсбетен қаласы маңындағы ауылдық жолда олар 2025 жылы жазда Италияда өтетін Mille Miglia жарысына дайындалып жүрген.
A woman on the phone and not paying attention to the road drove into a 1948 Jaguar XK120. pic.twitter.com/DDbJdVq6Hb
— non aesthetic things (@PicturesFoIder) September 29, 2024
Оларды Opel Insignia мінген 23 жастағы бойжеткен соққан. Әлеуметтік желіде тараған видеодан Jaguar жүргізушілерінің жеңіл жарақат алғанын көруге болады. Сондай-ақ роликте апат кезінде Opel жүргізушісі телефонмен сөйлесіп келе жатқаны айтылған.
Раритеттің кем дегенде шанағының оң жақ жартысы, алдыңғы аспасы және алдыңғы әйнегі бүлінді. Күштік құрылымы қатты зақымданған болуы мүмкін. Джузеппе мен Николо басқа спорткар таппаса, Mille Miglia жарысына қатыса алмайтын сияқты.
Мұндай Jaguar XK120 орта есеппен 100 мың доллар тұрады. Бірақ апатқа ұшыраған родстер жай машина емес, ол модель жарыққа шыққан алғашқы жылы жасалған. Ол алюминий шанақ панелімен ерекшеленеді, ал 1950 жылдан бастап Jaguar модельге болат пайдаланды.
Комментариев: 0