SkyTrain тек Алматыда емес, Шымкентте де іске қосылуы ықтимал. BES.media басылымы Шымкент қаласының жолаушылар көлігі және автомобиль жолдары басқармасына сілтеме жасап хабарлағандай, қала билігі монорельс салуды қарастырып жатыр.
Әкімдік өкілдері жоба әзірге бастапқы кезеңде екенін айтты. Құрылыс, бағыт, іске асыру мерзімі және қаржыландыру көзі бойынша нақты шешім қабылданған жоқ. Дегенмен қала басшылары инвесторлармен алдын ала келіссөз жүргізді. Олардың қатарында Қытай теміржол инженерлік корпорациясы өкілдері, Түркияның Macoil компаниясы және қазақстандық «Алматы Метроқұрылыс» бар.
SkyTrain қоғамдық көлік желісін дамытудың жалғыз бағыты емес. Шымкентте жүрдек автобус жолағы (BRT) салынуы мүмкін.