Басты бет → Жаңалықтар → Жол жиегінде тізіліп тұрған Алматыдағы автобустар: не болып жатыр?
Жол жиегінде тізіліп тұрған Алматыдағы автобустар: не болып жатыр?

Жол жиегінде тізіліп тұрған Алматыдағы автобустар: не болып жатыр?

Қалада қоғамдық көлік қозғалысы тұрақсыз, ал жолда тұрған автобустар кептеліске себеп болып жатыр.

| | 76
Авторы: Виктор СухоруковФото: Назерке Курмангазинова және Артём Уразимбетов

Бірнеше күннен бері Алматыдағы автобустар жол жиегінде ұзын-сонар кезекте тұр. Қоғамдық көліктер Өтепов көшесінің Жароковтан Розыбакиевке дейінгі бөлігінде, Жароковтың Өтеповтен Тимирязевке дейінгі аралығында және Райымбек даңғылының Момышұлы мен «Жібек жолы» базары арасындағы бөлікте жиі шоғырланған. Әлеуметтік желідегі пікірлерге сүйенсек, кейбір жерде мұндай жағдай бірнеше айдан бері жалғасып келеді.

Kazakhstan Bus Community қауымдастығының мәліметінше мәселенің негізгі себебі — коммуналдық № 3 автобус паркі мен БАТУ автопаркі маңындағы негізгі газ құю бекеттеріндегі ақау. Соның салдарынан автобустар басқа станцияларда кезекте тұруға мәжбүр. Бұл жолда кептеліс тудырып, қоғамдық көлік кестесінің бұзылуына әкеліп отыр.

Бұл ақпаратты «Власть» басылымына жауап берген «Алматыэлектротранс» ЖШС растады. Компания істен шыққан бекеттерді жөндеу жұмыстары 30 шілдеге дейін аяқталады деді.

Алматы әкімдігі де бұған қатысты пікірін білдірді. Tengrinews.kz жергілікті шенділерге сілтеме жасап хабарлағандай, қазір сегіз газ құю станциясының бесеуі ғана қалыпты режимде жұмыс істеп тұр. Қалған үш станция 31 шілдеге дейін қалпына келеді.