ҚР ІІМ Өзіндік қауіпсіздік департаменті еліміздің жеті облысында көлікті заңсыз алғашқы тіркеуге қойған қылмыстық істерді тергеп жатыр. Мұндай заңсыз әрекеттердің кесірінен мемлекетке келтірілген шығын 10 млрд теңгеден асты.
Тергеушілер Шымкент қаласы ПД роцессинг орталығының екі қызметкері, олармен серіктес делдалдар және ХҚКО-дағы «көмекшілер» бірлесіп, көрші елден келген кемінде 53 машинаны кедендік төлем мен утилизациялық алымды төлемей тіркегенін анықтады. Қылмыстық топ құрамында бұлардан бөлек жалған сенімхат берген нотариустар да бар. Олар мемлекетке 320 млн теңгеге жуық шығын келтірген.
Полиция мәліметінше, елде кедендік рәсімдеуден өтпеген және утиль алымын төлемеген кем дегенде 2000 көлік жүр. Бірақ бұған дейін ҚР Қаржы министрлігінің мемлекеттік кірістер комитеті Алматы облысының өзінде 2 мыңнан аса машинаның тіркеуі күмәнді екенін хабарлаған. Сонда екі мекеме берген ақпараттың қайсысына сену керек?
Комментариев: 0