Шымкент әкімдігі биыл қазанда бағдаршам таймерін ала бастады. Қазір секундомер интеллектуалды транспорт жүйесі (ITS) жоқ қиылыстарда ғана істеп тұр. Inform.kz хабарлағандай, қалалық жолаушы тасымалы және автожол басқармасы мұндай қадамға баруға мәжбүр болған.
— Жол апатының алдын алу үшін кері санағы бар бағдаршам таблосынан бас тарттық. Өйткені көше қиылыстарында секундомердегі уақыт аз қалғанын көрген жүргізушілер тежеу және үдеу жолын ескермей, қиылыстан өту үшін жылдамдықты арттырады. Бұл жоғары жылдамдықпен жүрген көліктердің соғылуына себеп болады.
Жүргізушілер таймердің алынғанына наразы. Олар бағдаршамда секундомер болғаны ыңғайлы деп санайды. Электроника алдын ала дайындалып, шұғыл маневр жасамауға мүмкіндік берді.
Жергілікті полиция әкімдік шешімін қолдап, таймерді өшіру жолдағы тәртіпті жақсартып, жол апаты мен зардап шеккендер санын азайтатынын айтты. Шымкентте оқыс оқиғалар статистикасы көңіл көншітпейді. Биыл жыл басынан бері мегаполисте адам өліміне себеп болған 60 жол апаты болды. Ал оқыс оқиғалардың жалпы саны 2023 жылмен салыстырғанда төрт есеге өскен: былтыр осы кезеңде 303 жазатайым оқиға тіркелген, биыл 1205 апат болды.
Полицейлер жүргізушілерді жол ережесін сақтап, таймерге емес, бағдаршамның қызыл және жасыл түсіне назар аударуға шақырады. Сары түсті аралық сигнал деп қабылдау керек.
Осыдан бірер жыл бұрын Алматыда да бағдаршам таймері алынған, бірақ оларды жөндеп немесе жаңасына ауыстырып, қайта ілді. Kolesa.kz редакциясы қазір барлық секундомер орнында тұрғанын байқады.
Комментариев: 0