Естеріңізге сала кетейік, 2016 жылдан бастап Шымбұлаққа тек электромобильмен кіруге ғана рұқсат беріліп, Медеуге шлагбаум қойылған болатын. Өзге келушілерге биік таудағы шипажайға аспалы жол арқылы, таксимен, автобуспен, не болмаса жаяу көтерілу ұсынылады.
Десе де Шымбұлаққа кейбір көліктердің кіруіне рұқсат берілді. Осыдан үш жыл бұрын қала билігі жедел жәрдем көліктері мен арнайы қызмет көліктерінің кіруіне тыйым салынбайтынын айтқан. Сонымен қатар, шипажайдың маңында орналасқан үй иелеріне екі рұқсатнама, ал тау шаңғы базасына қызмет көрсететін ұйымдарға үш рұқсатнамадан беріліпті. Ол автокөліктердің барлығының тұрақ орны көрсетілген қозғалыс бағыты бекітілген.
Мұнша көлікті бұл жерден көптен бері ешкім көрген емес. Мүмкін Шымбұлаққа барар жол барлығына бірдей ашылды ма екен? Әлде, «кейбіреулер» үшін ерекше тәртіп қарастырылған ба?
Комментариев: 0