Бүгін үкіметтің кеңейтілген отырысында президент үкіметке ел азаматтары жеке қолданыс үшін 2020 жылдың 1 ақпанына дейін ЕЭО елдерінен әкелген машиналардың уақытша тіркелуін қамтамасыз ету жөнінде тапсырма берді. Олардың тіркеуі 2021 жылдың 1 наурызына дейін өз күшінде болады.
"Мен Бас прокуратураға қалыптасқан жағдайға қатысты құқықтық баға беруге тапсырма берем. Үкіметтің осы мәселені бір ай ішінде шешуі үшін ел азаматтары 2020 жылдың 1 ақпанына дейін ЕЭО елдерінен алып келген автокөліктерді бір реттік тіркеуден өткізуді қамтамасыз ету қажет. Бұл тіркеу 2021 жылдың 1 қаңтарына дейін өз күшінде болады. Мұндай автокөліктер техникалық регламент талаптарына сай болуы қажет. Ел азаматтары тіркеу алымы мен мемлекеттік баж салығын төлеуі тиіс. Уақытша тіркеу меншіктен шығару және өзге тұлғалардың пайдалануына не басқаруына берусіз жүзеге асуы керек. 2021 жылдың 1 наурызына дейін көлік иелері кедендік салықтар мен утилизациялық алымды төлеп, машинаны тұрақты тіркеуге қоюға міндетті, не болмаса оны елден шығаруы қажет. Үкіметке бұдан былай елге автокөліктердің заңнаманы бұза отырып кіргізілуі мен қолданылуын шектеуге байланысты шара қолдануды тапсырамын. Бізге ең алдымен Қазақстанның мүддесін басшылыққа алу керек. Өз заңымызға басымдық беріліп, оның бұзылуына жол берілмеуі қажет. Басқаша айтқанда, бұдан былай ЕЭО шеңберінде қол қойылатын келісімшарттардың барлығында ең алдымен Қазақстанның ұлттық мүддесі есепке алынуы тиіс".
Комментариев: 0