Шетелде тіркелген машинаны кез келген азамат жүргізе алмайды

Қасым-Жомарт Тоқаев 30 желтоқсанда «Қазақстан Республикасының кейбір заңнамалық актісіне өзгеріс енгізу және оны толықтыру туралы» заңға, соның ішінде «Жол қозғалысы туралы» заңның 65-бабын түзететін құжаттарға қол қойды.

Құжатқа енген 1-1-бапта былай жазылған:

"Көлікті шетелде тұрақты тұратын Қазақстан Республикасының азаматы пайдаланса, автомобиль халықаралық қозғалыста жүр деп саналады, сондай-ақ:

1. көлік оған тиесілі;
2. Қазақстанда тіркелмеген;
3. Қазақстанға уақытша кірген болуы керек.

Демек басқа мемлекетте тұрақты тұруға мүмкіндік беретін резидент мәртебесі, ықтиярхаты немесе визасы бар Қазақстан азаматы туған еліне келгенде бір жыл бойы бөтен нөмір таққан машинамен еркін жүре алады.

Заңның 2-бабына сәйкес бұл норма ресми жарияланған күннен бастап күшіне енеді.