Алдыңғы буындағы Ford F-150-де жұмыс істеген тәжірибесі бар әйгілі ателье Америкадағы ең танымал пикапқа қайта оралды. Егер елде мұндай ерекше көліктерге сұраныс болса, соған сай өндіріс те болады.
Shelby Super Snake қазіргі F-150 (XLT 4×4 және Lariat 4×4 түрленімі) негізінде жасалған, компрессорлы Ford V8 моторы (5.0 л) 775 ат күшіне ие. Пикап 0-ден 60 миляға дейін жылдамдықты 3.45 секундта алады, ал алғашқы 100 миляға (160 км/сағ) 8.3 секундта жетеді. Басқаша айтқанда, жүк машинасы суперкармен бірдей динамикаға ие деген сөз. Егер бұл параметр шектен тыс деп санасаңыз, атмосфералы мотор орнатылған (406 ат күші) әлдеқайда салмақты нұсқасы бар.
Клиенттер Shelby F-150 Super Snake-тің кәдімгі немесе қосарлы кабиналы нұсқасына тапсырыс бере алады. Былғарымен қапталған салон қызыл түсті тігіспен әрленген (Super Snake логотипі көзге түседі). Екі есікті пикаптың атмосфералы моторы бар нұсқасының бағасы 90 790 доллардан, ал компрессорлы нұсқасының бағасы 98 690 доллардан басталады. Төрт есікті нұсқада баға сәйкесінше 105 708 және 113 680 доллар тұрады. Әр нұсқа тек 300 данамен шығарылады.
Комментариев: 0