Кеше, 15 қыркүйек күні, Шамалғанда жантүршігерлік жол апаты болды. Жолаушылар пойызы рельске шығып кеткен автобусты соғысқан.
Алматы облыстық денсаулық сақтау басқармасының бастығы Ниязбек Өмірзақтың айтуынша, бір әйел мен екі жасөспірім ауыр жарақат алған.
Зардап шеккен келіншек және 14, 16 жастағы қыздар бір жанұя мүшелері, нақтырақ айтқанда, анасы мен екі қызы.
Қазіргі уақытта олар Қаскелең ауруханасында жатыр. Ақ халаттылар келіншектің жағдайы ауыр деп отыр. Ал қыздардың жағдайы аса ауыр деп бағалануда. Олар медикаментозды ұйқыда жатыр.
Ресми ақпарат бойынша, автобус жүргізушісі қаза тапты, тоғыз адам жарақат алған.
Тоқаев марқұмның жанұясына көңіл айтты.
Комментариев: 0