Kia компаниясы Hyundai Creta-ға бәсекелес болатын Seltos кроссоверін көпшілікке таныстырды. Жаңа үлгі Үндістан мен Оңтүстік Кореяда ғана емес, ЕЭО аумағында да сатылады деп жоспарланып отыр. Автокөліктің Қазақстанға қашан келетіні белгісіз, бірақ Ресей нарығына 2020 жылы шығады. Оның үстіне, жоспар бойынша бұл көлік дәл «Крета» сияқты Санкт-Петербургте құрастырылуы тиіс.
Seltos-тың моторлар гаммасында үш агрегат: 177 және 146 аттың күшін беретін 1.6 және 2.0 литрлік бензинді қозғалтқыштар мен 136 ат күшіне ие 1.6 литрлік дизель бар. Олар тек автоматты қораптармен жұптаса жұмыс істейді. Нарыққа байланысты олардың да үш түрі: 7 сатылы робот, 6 сатылы автомат және вариатор ұсынылады.
Кроссовер 10.25 дюймдік дисплейі бар мультимедиалық кешенмен, 8 динамигі бар Bose аудиожүйесімен, Sound Mood Lighting деп аталатын салонның динамикалық көмескі жарығымен, тауға көтерілгенде және шұғыл тежелу барысында көмек беру жүйесімен жабдықталады.
Комментариев: 0