АҚШ-тың Грейт-Хилл-Эстейтс қаласында (Массачусетс штаты) бұзылған батареясын ауыстырғалы тұрған 2021 жылғы Chevrolet Bolt түн ортасында өртеніп кетті. Оқиға орнына келген өрт сөндірушілер қызыл жалынды үш сағатта әрең тоқтатты.
«Болт» далада, үйден алыс жерде тұрғандықтан, құтқарушылар оған оңай жетіпті. Бірақ өртті сөндіру қиынға соқты, тіпті от өшкен соң жарты сағаттан кейін машина қайта тұтана бастаған. Мамандар амалсыз арнайы құрылғы көмегімен шлангыны көлік астымен жіберіп, аккумуляторға төменнен су шашты.
Құтқарушылар өрт сөндіруге 11 000 галлон (40 тоннадан аса) су жұмсаған.
Егер электромобиль жер астындағы паркингте өртенсе қалай өшіреді деген сұрақ туындайды. Үлкен өрт сөндіру машинасы онда кіріп, отқа оранған көлікке жете алмайтыны анық. Мұндайда төбедегі спринклердің де пайдасы тимейді. Қазір қалаларда электромобиль күн санап көбейіп келеді, мұндай машина Алматыда да аз емес.
Комментариев: 0