14 тамызға қараған түні Севастопольде белгісіз біреу автотұрақта тұрған Rolls-Royce Cullinan-ді өртеп жіберді.
«Mash на волне» Telegram арнасы берген мәліметке сүйенсек, құны 31.1 миллион рубль (180.3 млн теңге) болатын кроссовер экономист Сергей Глазьевтің әйеліне тиесілі. Ол 2012-2019 жылдары Ресей президенті Владимир Путиннің экономикалық мәселелер жөніндегі кеңесшісі болған.
Глазьев кейін бұл ақпаратты өзінің Telegram арнасында жоққа шығарып, әйелінде мұндай машина жоқ екенін айтты. Әрі «Mash на волне» арнасы мен Қырым жаңалықтар қызметінің үстінен прокуратураға шағымданатынын мәлімдеді.
— Қырым жаңалықтар қызметінің өсекшілері менің әйелімнің қымбат көлігі өртеніп кетті деп хабарлады. Жұбайымда мұндай машина жоқ. Бұқаралық ақпарат құралдары арқылы жала жабу туралы жаңа заңға сай оларды сотқа береміз«, — деп жазды Сергей Глазьев.
Ал Rolls-Royce Cullinan толығымен жанып кеткен. Жергілікті полиция хабарлағандай, өрт туралы ақпарат кезекші бөлімге 14 тамыз түнгі үштер шамасында түсті. Өрт қойған күдікті табылған жоқ, бірақ полицейлерде оқиғаның бейнежазбасы бар.
РФ ҚК 167-бабына сай («Бөтеннің мүлкін қасақана жою немесе бүлдіру») қылмыстық іс қозғалды. Қылмыскер бес жылға дейін бас бостандығынан айырылуы мүмкін.
Комментариев: 0