Шымкент әкімдігінің баспасөз қызметі хабарлағандай, алғашқы кешендер Қонаев пен Рысқұлов көшелерінің қиылысына орнатылыпты. Әзірше камералар пилотты режимде жұмыс істеп тұр. Жалпы «Сергек» кешендері қаладағы 35 көше қиылысына орнатылады екен. Келешекте қалада 160 бейнекамера пайда болады.
Қазіргі таңда «Сергек» камералары ЖҚЕ-ін бұзудың жылдамдықты арттыру, қоғамдық көлікке арналған жолақтарға шығып кету, тоқтау сызығынан асып кету сынды үш түрін жазып алады. Аталған кешендер Астанада белсенді қолданылуда. Елордада осы жылдың соңына дейін 13 000 камера іске қосылады, олардың 7 000 данасы — аулаларда, 6 000 данасы не 700 кешен — жолдарда. Көше қиылысындағы бір кешен 12 камерадан, ал желілік бөліктегі бір кешен төрт камерадан тұрады. Әлден-ақ, жолында ең болмағанда жұмыс істеп тұрған бір «Сергек» кездеспейтін бағыт қалмаған қалада.
Біраз уақыт бұрын Қалмұханбет Қасымов осындай жобаларды Ақтөбе, Атырау, Батыс Қазақстан, Павлодар және Шығыс Қазақстан облыстарында іске қосу жоспарда бар екенін тілшілерге хабарлаған болатын. Алматыда да бірнеше «Сергек» пилотты режимде іске қосылды.
Комментариев: 0