Желіде артқы мемлекеттік нөмірі қолдан жасалған Daewoo Nexia-ның фотосуреті тарады, Семейде жүрген машинаны тұрғындар суретке түсіріп алыпты. Оқиғаға полицейлер тез назар аударып, «суретшіні» ұстады.
Жергілікті ПД хабарлағандай, полицейлер 28 жастағы жүргізушіні ұстап, Әкімшілік кодекстің 590-бабы 2-бөлігіне сай (Мемлекеттiк тiркеу нөмiрi (белгiсi) жоқ немесе пайдалануға тыйым салынған немесе белгiленген тәртiппен тiркелмеген көлiк құралын басқару) хаттама толтырды. Бұл бап бойынша 10 АЕК (2022 жылы 30 630 теңге) айыппұл салынады.
Ереже бұзған азаматтың осы баппен жазаланғанына қарағанда, ол машинасына өзіне тиесілі нөмірді жазып алған секілді. Полиция толық ақпарат берген жоқ.
жаза берсін, өмірдің жеңілдігінен жазбаған болар.