«СарыарқаАвтоПром» мамандары Kia Sportage моделін CKD әдісімен шығаруды меңгеріпті. Құрастыру алаңын Қостанай облысына іссапармен барған Қасым-Жомарт Тоқаев іске қосты.
CKD автомобильді дайын жинақтан құрастырып, шанағын дәнекерлеу және сырлау процестерінен тұрады. Зауыт басшылары бұл әдіспен қанша Sportage жасайтынын айтпады.
1 / 9
Биыл «СарыарқаАвтоПром» Kia Cerato-ның да шанағын дәнекерлеп, бояуды жоспарлап отыр. Одан бөлек зауыт өкілдері президентке тағы бір модельді таныстырды. Фотосуреттер арасынан биыл нарыққа шығады деп жоспарланған Kia EV6 электромобилін байқадық. Көлік қашан саудаға шығатынын ешкім айтпағанмен, марка оны 325 ат күшіне ие (605 Нм) екі электромотормен және 77.4 кВт батареямен ұсынатыны белгілі.
Комментариев: 0