Сәнді Zeekr 009 48.6 млн теңгеге бағаланды

Компания Glory Edition деп аталатын 009-дың жаңа модификациясын көрсетті. Басты айырмашылығы — жолаушы аймағындағы екі жеке орындық және жайлы саяхатқа арналған жабдықтар жиынтығы. Бұл машина қуатты қозғалтқыштармен жабдықталған. 009 Glory Edition бір комплектацияда 789 000 юаньға (48.6 млн теңге) сатылады, бұл басқа нұсқалардан шамамен бір жарым есе қымбат.

1 / 10

• 
• 
• 
• 
• 
• 
• 
• 
• 
• 

1 / 10

Сыртынан Glory Edition қара радиатор торымен, хромдалған әрлеудің көптігімен және Rolls-Royce немесе Mercedes-Maybach көліктеріне көбірек жарасатын жаңа 20 дюймдік дөңгелектермен ерекшеленеді. Ұзындығы — 5.2 метр, дөңгелек базасы — 3.2 метр. Бұл артқы жолаушыларға адам қызығарлық кеңістік береді.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Минивэннің VIP жолаушылары реттеулері көп, желдету және массаж функциясы, сонымен қатар аяқ тіреуіштері бар ерекше сәнді орындықтарға жайғасады. Орындықтардың ортасындағы консольге кіріккен басқару панелі, смарт тоңазытқыш және электронды құлыптары бар екі сейф жайғасқан. Жолаушы мен жүргізуші арасындағы көтерілетін арақабырға 48 дюймдік монитормен жабдықталған. Арақабырғаның конструкциясы патенттелген: оның рамасы қосымша элемент ретінде шанақ қаттылығын арттырады. Жолаушылар бөлімінде 31 Yamaha динамигі орнатылған. Опцияға бірқатар киберқауіпсіздік функциясы, күңгірттігін реттеуге болатын терезелер және спутниктік байланыс жүйесі кіреді.

1 / 7

• 
• 
• 
• 
• 
• 
• 

1 / 7

Басқа 009-дан айырмашылығы — жаңа модификация жаңарған 001-ден алынған 800 вольтты архитектураға ие. Соның арқасында 108 киловаттық CATL аккумуляторын небәрі 11.5 минутта 10-нан 80 пайызға дейін қуаттауға болады, бірақ ол үшін 560 кВт беретін қуаттау бекеті қажет. Автомобиль шамамен 60 кВт сыртқа беріп, басқа электромобильді қуаттай алады. Жүріс қоры — 702 км (CLTC циклінде).

Қозғалтқыш қуаты 544-тен 788 ат күшіне дейін ұлғайды. 009 Glory Edition алғашқы жүздікті небәрі 3.9 секундта еңсереді. Машина пневматикалық аспамен жабдықталады.

Компания электромобильді 19 мамырда жеткізе бастайды. Қазір тапсырыс беруге болады, бірақ өтінім беру үшін 50 мың юань депозит қажет. Бренд алғашқы клиенттерге өмір бойы кепілдік, жартылай автономды басқару функцияларын және көмекші жүйесін тұрақты қолдану мүмкіндігін және үйде қуаттауға арналған 20 киловатты қуаттағыш береді.