Сәнді Stelato S9 саудаға шықты

BAIC-тың Huawei қолдауымен құрған Stelato бренді алғашқы электроседанын саудалай бастады. Премиум сегменттегі төрт есікті көлік жергілікті аналогтарымен ғана емес, еуропалық ірі брендтермен де бақталасады. Stelato S9 екі нұсқада шығады, бағасы — 399 800 және 449 800 юань (шамамен 26.7 млн және 30 млн теңге).

Өлшемдері — 5160×1987×1486 мм, дөңгелек базасы — 3050 мм. Ол Mercedes-Benz EQS және BMW i7 модельдерінен сәл ықшам. Минимализм стиліндегі дизайны мен бүйірлік айна орнындағы камераның арқасында S9-дың аэродинамикалық кедергі коэффициенті 0.193 құрайды. Әзірлеушілердің айтуынша бұл люкс седандар арасындағы ең жақсы көрсеткіш. Дөңгелек дискілері 21 дюйм.

1 / 10

• 
• 
• 
• 
• 
• 
• 
• 
• 
• 

1 / 10

Салонында экран мен сенсорлы панель көп. S9-дың алдыңғы бөлігінде проекцияны есептемегенде бес дисплей бар. Артқы жолаушылар бөлігі 13.2 дюймдік ортаңғы экранмен және төбедегі 32 дюймдік дисплеймен жабдықталған. Интерьері қымбат материалдармен әрленеді, жылыту, желдету, массаж функциясы бар кресло орнатылады. Аспадағы пневмоэлементтері бар бейімді амортизаторлардың арқасында жайлы жүреді. Компания өз бетімен үйрену элементтері бар Huawei ұсынған су жаңа бағдарламалық кешенді алдымен осы модельге орнатады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Базалық нұсқа 309 ат күшін беретін бір мотормен жүреді, қымбатырақ нұсқа толық жетекті болады, оның қозғалтқыштары 523 ат күшіне ие және алғашқы жүздікті 3.9 секундта еңсеруге көмектеседі. Екеуі де 100 киловаттық батареядан қуат алады және жүріс қоры 816 және 721 км-ге жетеді. Энергия қорын 5 минутта 200 шақырымға жететіндей толтыруға болады.

Бренд жылына 120 мың S9 сатуды жоспарлап отыр. Huawei компаниясы Stelato-дан бөлек Seres-пен бірлесіп Aito және Chery-дің қатысуымен Luxeed сияқты екі автомобиль жасайды. Жақында Huawei бағасы миллион юань деңгейінде болатын ультралюкс сегментіне енетін тағы бір жобаны қолға алады. Компания бұл автомобильді JAC-пен бірге әзірлеп, нарыққа Maextro брендімен шығарады.