Rolls-Royce тағы екі электрокар шығарады, бірақ V12-ден бас тартпайды

Rolls-Royce электр қуатына көшу процесін созып келеді. Automotive News хабарлағандай, алдағы жылдары бренд топтамасына кем дегенде батареялы екі жаңа модель қосылады. Сонымен қатар компания іштен жанатын үлкен мотордан бас тартуға асықпайды және оны жаңартады.

Қазір компания тек бір электрокар — Spectre купесін шығарады. Бұл сәнді екі есікті модель сұранысқа ие, сол себепті британиялықтар топтаманы кеңейтуге шешім қабылдады. 2027 жылдың басында нарыққа электромоторы бар кроссоверін ұсынады, бірақ ол шағын болғандықтан, Cullinan-ның тікелей ізбасары болмайды. Жаңа модель арзан болуы керек.

Үшінші модель бренд үшін маңызды, өйткені ол аңызға айналған Phantom-ның орнын басады. Үлкен электрлі седан 2028 жылы жарық көреді. Ол паркетникпен батарея және қозғалтқыш сияқты бірнеше компонентті бөліседі.

Spectre 2027 жылы жаңарады деп жоспарланған. Rolls-Royce алдағы бірнеше жылда BMW концерні жаңа аккумулятор технологиясын әзірлеуде айтарлықтай алға жылжиды деп үміттенеді. Бұл британиялық брендтің электрокарларын қуатты етеді және жүріс қоры ұзаққа жетеді, бірақ бағасы төмендейді деп күтудің қажеті жоқ.

Онжылдықтың аяғына қарай Cullinan кроссовері Rolls-Royce-тың дәстүрлі моторы бар жалғыз моделі болуы мүмкін. Компания сұранысқа ие моделін бензинді V12-ден айырғысы келмейді. Жоспар бойынша бренд 2030 жылдан кейін Cullinan-ды конвейерден алып тастап, тікелей мұрагерсіз қалдырады. Сәнді көлік биыл көктемде жаңарды. Cullinan-ныңдизайнын өзгерту компания жоспарында бар ма, әлі белгісіз.