Биыл таныстырылады деп жоспарланған батареялы «роллс-ройсты» ешкім әлі көрген жоқ, бірақ ол патенттік деректер базасына кірді. Silent Shadow («Үнсіз көлеңке») моделіне орнатылған электромотор расымен үн шығармайды, ал оның жүріс қоры рекорд жаңартуы мүмкін. Себебі қуаты таусылып, жол шетінде қалып қою «роллс-ройс» үшін әсте ұят.
Rolls-Royce BMW концернінің құрамына кіретінін ескерсек, көліктегі электрлі қозғалтқыштар, батареялар блогы мен басқарушы электрониканы немістер жасайтыны анық. Мамандар консервативті клиенттерін жаңа күштік құрылым анағұрлым жақсы болады деп сендірді. Іші мен сыртындағы мінсіз тыныштықтан бөлек, электр тартым күшін бірқалыпты мөлшерлейтін болады. Ауаға зиян заттар тарататын көліктерден ада болашақты көздеп отырған компания гибрид шығарудан бас тартты.
Комментариев: 0